Рускиот претседател Владимир Путин денеска го посети Крим за да ја одбележи деветгодишнината од анексијата. Имено, овој регион беше анектиран од Кремљ во 2014 година.

Како што објави РИА, Путин посетил уметничко училиште и детски центар во Севастопол. Овие локации биле избрани како своевиден одговор на налогот за апсење на Путин, кој вчера беше издаден од Меѓународниот кривичен суд во Хаг. Во потерницата, Путин е обвинет дека е одговорен за учество во киднапирање на украински деца и нивно одведување во Русија.

Путин отпатувал со авион од Москва до Севастопол, најголемиот град на Крим. Потоа, тој бил префрлен со автомобил на неколку локации во градот. Освен уметничко училиште и детски центар, Путин посетил и археолошки локалитет во близина на остатоците од античкиот грчки град Херсонсос. Како што изјави прорускиот гувернер на Крим Михаил Развожајев, се работи за ненадејна посета.

It turns out Putin came to Crimea to open an art school.

At least that’s what occupational authorities sY about his visit. And they report he drove there himself… pic.twitter.com/Namm0rOuyv

— Anton Gerashchenko (@Gerashchenko_en) March 18, 2023