ВИДЕО | Путин: Избегната е еколошка катастрофа, но се уште е рано за опуштање

владимир путин
Рускиот претседател Владимир Путин / Фото: EPA-EFE/MICHAEL KLIMENTYEV / SPUTNIK / KREMLIN POOL MANDATORY CREDIT

Претседателот на Русија, Владимир Путин изјави дека е избегната еколошка катастрофа од големи размери во градот Усоље-Сибирскоје. Меѓутоа, тој предупредил дека се уште е рано за опуштање.

Путин рекол дека најопасните предмети се локализирани и отстранети, при што е спречено ширење на токсични материи и ширење на хемикалии во водните патишта.

„Ни случајно не смееме да се опуштиме“, нагласил Путин за време на состанокот на кој се разговарало за напредокот во соочување со еколошката штета во Иркутск.

Рускиот претседател истакнал дека ги добил на увид документите во кои се наведува дека бариерите кои ги поставила државната корпорација „Росатом“ спречиле токсичните материи да дојдат до реката.

Путин нагласил дека ситуацијата е многу сериозна, но дека е отстранета непосредната закана по животот и здравјето на оние кои живеат во подрачјето.

Во градот Усоље-Сибирскоје живеат повеќе од 76.000 луѓе, а во тоа подрачје е на сила вонредна ситуација од 2018 година. Градот се наоѓа на 77 километри од административниот центар Иркутск.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот