ВИДЕО: Пукање во Калифорнија, неколку лица убиени и повредени – напаѓачот е мртов
Неколку лица се убиени, а неколку повредени во пукање во железничкото депо во Сан Хозе во Калифорнија утрово, објави канцеларијата на шерифот.
Пукањето се случило нешто пред 7 часот наутро по локално време.
WATCH LIVE: Active shooter situation at San Jose light rail facility. https://t.co/Nj065CIsxp https://t.co/HuOWLfIH6l
— CBS News (@CBSNews) May 26, 2021
Заменик шерифот на округот Санта Клара, Расел Дејвис им изјави на новинарите дека има „повеќе мртви“, но дека им треба повеќе време да го изнесат точниот број. Напаѓачот е мртов, додаде Дејвис. Рече дека не може да го идентификуваат напаѓачот ниту да потврдат како загинал.
Gun Violence is a Public Health Epidemic — these are Preventable Injuries and Fatalities. #SanJose pic.twitter.com/yzEZR6bIpe
— Joseph Sakran (@JosephSakran) May 26, 2021
До пукањето дошло во депото на железницата со кое раководи Управата за превоз на Санта Клара во близина на градскиот аеродром, а на „неколку лица им е пружена лекарска помош“, твитна градоначалникот Сем Ликардо.
„Напаѓачот повеќе не е закана, а објектот е евакуиран“, соопшти Ликардо.
Retired ATF Special Agent Jim Cavanaugh says Americans need to blame the gun lobby, not mentally ill people for mass shootings like the one in San Jose. pic.twitter.com/p0sNXS0sQd
— Sarah Reese Jones (@PoliticusSarah) May 26, 2021
Сан Хозе, град со околу милион жители, се наоѓа во срцето на Силиконската долина, глобалното седиште на технолошките иновации и дом на некои од најголемите американски технолошки компании.
Suspected gunman dead after opening fire in commuter train yard in California, killing "multiple" people, police say https://t.co/ALFgCmAnyZ
— BBC Breaking News (@BBCBreaking) May 26, 2021
Дејвис рече дека подоцна ќе објави повеќе информации.
Локалната подружница на ЕјБиСи Њуз извести дека зградата не е отворена за јавност, па напаѓачот во објектот е пуштен од страна на некој од вработените, а можно е и да провалил.