Во дербито на 14 коло од најсилниот француски шампионат, Лион го победи ПСЖ на гости со 1:0, остварувајќи ја својата прва победа на „Паркот на принцовите“ по 13 години.

Покрај тоа што останаа без бодови, париските „светци“ би можеле да останат некое време и без една од своите први ѕвезди во составот, Нејмар, кој беше изнесен од теренот во судиското надополнување на носилка по стартот на Тијаго Мендеш кој доби црвен картон за неговиот груб прекршок.

Судијата Беноа Бастиен прво му покажа жолт картон, но по прегледувањето на видео снимката се предомисли и го исклучи гостинскиот играч за врска.

Mendes får kun rødt, fordi Neymar bliver skadet. Skandale der kaldes VAR på den advarsel #psglyon pic.twitter.com/FbDsG9CqnA

— Oscar Gomez Svendsen (@GomezSvendsen) December 13, 2020

Thiago Mendes, do #Lyon, foi muito imprudente com o Neymar! Craque do #PSG pode estar com entorse grave no tornozelo esquerdo ou algo pior. A maneira como os “cavalos” tratam ele é inadmissível! Arbitragem fraca deixa passar. Torcer pra não ser nada pior! #CampeonatoFrances pic.twitter.com/7lEoc5oi6k

— Brenno Beretta (@BrennoBeretta) December 14, 2020

Станува збор за повреда на скочниот зглоб и Бразилецот имаше толку многу болка што плачеше додека го однесоа од теренот во соблекувалната.

Последен пат Лион славеше на натпревар од првенството во Париз во октомври 2007 година кога победи со 3:2.

Со оваа победа Лион се израмни на врвот на табелата со Лил, додека ПСЖ падна на третото место.