ВИДЕО: ПСЖ го растажи Клуб Бриж, Лајпциг ќе игра во Лига Европа
Денеска во групата „А“ се решаваше само кој ќе го освои третото место кое води во Лига Европа, а за таа позиција успеа да се избори екипата на Лајпциг. Манчестер сити и ПСЖ ќе играат во нокаут-фазата од Лигата на шампионите.
Германскиот клуб пред своите навивачи триумфираше над Манчестер сити (2:1), после првото полувреме водеше со голот на Шобошлаи од 24 минута.
Предноста ја зголеми Силва во 71 минута, а „граѓаните“ кои го претрпе вториот пораз сезонава во ЛШ во 77 минута намалија преку Марез. Во 83 минута црвен картон кај гостите доби Вокер.
Клуб Бриж го завршува меѓународниот настап, вечерва немаа сили за изненадување во Париз против моќниот ПСЖ кој беше подобар со 4:1.
Сите дилеми беа решени уште во првото полувреме после кое париските „светци“ водеа со 3:0, првите два погодоци беа дело на Мбапе кој испиша историја во клупското натпреварување.
Во гол серијата се придружи и Меси кој исто така беше двоен стрелец на мечот, а Ритс го реализираше единствениот гол за Белгијците.
Лига на шампиони
6. последно коло, резултати –
Група „А“
ПСЖ – Клуб Бриж 4:1
Лајпциг – Манчестер сити 2:1
Конечна табела:
1. Манчестер сити 12 бодови
2. ПСЖ 11
3. Лајпциг 7
4. Клуб Бриж 4