ВИДЕО: ПСЖ го избегна сценариото на Барселона
Фудбалерите на ПСЖ славеа на гостувањето кај Бордо со 3:2 во рамки на 13. коло од француската Лига 1, иако во финишот стравуваа за победата, но го избегнаа сценариото на Барселона која прокоцка предност од три гола.
„Светците“поведоа во 26 минута кога погоди Нејмар по центаршутот на Килијан Мбапе, а во финишот од првиот дел, Бразилецот ја дуплира предноста на својот тим.
ПСЖ по еден час игра имаше предност од 0:3 откако во листата на стрелци се запиша и Мбапе и кога сите помислија дека лидерот на табелата ќе оствари убедлив триумф, се разбудија домашните фудбалери и внесоа неизнесност во натпреварот.
Прво Алберт Елив во 79 минута намали на 1:3, а во финишот на средбата Нинаг постигна гол, но немаше време да се стори нешто повеќе.
Со триумфот ПСЖ дојде до 34 бода и му избега на второпласираниот на табелата, Ленс на дури десет бодови по само 13 одиграни натпревари во Лига 1, додека Бордо остана на 16 место со 12 бодови.