ВИДЕО: Прво сакаше да тепа, а потоа виде дека бил фаулиран од Ериксен…
На натпреварот од 28 коло во Премиер лигата помеѓу Норич и Бретфорд имаше момент кој го обиколи светот и во кој главен актер беше Кристијан Ериксен.
Имено, во победата на Брентфорд од 3:1, дефанзивецот на Норич, Брендон Вилијамс во 39 минута беше запрен на непрописен начин од Кристијан Ериксен, со влечење за дресот. Тоа го налути Вилијамс кој тргна да се пресмета со противничкиот играч кој лежеше на теренот, но кога сфати дека станува збор за Кристијан Ериксен, веднаш го смени изразот на лицето, се насмеа и го гушна Данецот.
The best video on the internet today. Brandon Williams realising it’s Christian Eriksen pulling him down 😭 pic.twitter.com/L2yFu2V9ow
— 𝕩 – coubar の (@xcoubar) March 5, 2022
Кристијан Ериксен минатото лето за време на натпреварот од ЕП помеѓу Данска и Финска доживеа срцев удар, а лекарите во последен момент му го спасија животот. Потоа му беше вграден дефибрилатор во кој ја регулира работата на срцето.
Во текот на зимскиот преоден рок Ериксен потпиша за Брентфорд бидејќи во Англија е дозволено да се настапува во вграден дефибрилатор откако ќе се поминат ригорозните лекарски контроли.