ВИДЕО: Прва радост за Германците, „дрим-тимот“ лесно против Иран

Фото: EPA-EFE/WU HONG
Во рамките од групата „Б“ во второто коло на кошаркарскиот турнир на Олимписките игри во Токио репрезентацијата на Германија после стартниот пораз овојпат триумфираше над Нигерија со 99:92.

Не беа доволни 33-те поени на Нвора за победа на Нигеријците, а во победничките редови најдобро се истакнаа Воигтман со 19 поени и Вагнер со 17.

Во вториот меч од истата група Италија ќе ги одмери силите против Австралија, на табелата водат Германците со три бодови, по два имаат Австралија, Нигерија и Италија.

И репрезентативците на САД загубија во првото коло во групата „А“, но сега ја покажаа силата против аутсајдерот Иран со 120:66.

Лилард беше одличен за „дрим-тимот3 со 21 поен, следен од Букер со 16, а на спротивната страна Хадади и Јамшиди имаат по 14 коша.

Во вториот меч Франција ќе игра против Чешка, на табелата водат Американците со три бодови, пред Французите, Чесите и Иранците кои имаат по два.

Видео на денот