ВИДЕО: Протестите во Хавана продолжија, стотици луѓе неколку дена се без струја

Куба мрак/ Фото Adalberto ROQUE / AFP / Profimedia

Властите повторно ја вклучија струјата во повеќе населби низ Хавана откако масовните протести продолжија. Жителите се незадоволни поради честите затемнувања во главниот град на Куба, како последица на ураганот Ијан.

Протестите низ Куба бројат неколку стотици луѓе кои извикуваа „вклучете ги светлата“, како и слогани кои го омаловажуваат претседателот Мигел Дијаз-Канел.

Во еден момент, демонстрантите почнале да скандираат за слобода, или „либертад“ на шпански, додека марширале низ темната, густо населена област која е без струја откако ураганот Ијан удри на островот во вторникот.

Мнозинството жители на градот, на кои во текот на денот им се врати струјата, не протестираа во петокот.

ВИДЕО: Цела Куба остана без струја како последица на ужасниот ураган

Видео на денот