Сите имаме еден куп батерии во фиоките, но кога итно ни се потребни, често не знаеме која е полна, а која празна. На интернет има одлично видео кое ни покажува едноставен начин да ја провериме состојбата на батеријата.

Овој тест е применлив за сите цилиндрични алкални батерии кои не се полнат. За тестирање, едноставно спуштете ја батеријата од висина од 10 до 20 сантиметри на рамна површина и обрнете внимание на реакцијата.

Ако батеријата само малку отскокнува, тоа значи дека е празна. Ако само се преврти, тогаш е полна.

Оваа реакција се јавува поради цинковата паста слична на желе која се наоѓа во батеријата. Кога батеријата е полна, пастата омекнува и го амортизира падот, додека кога батеријата е празна, пастата станува тврда, поради што не може да го ублажи ударот, што резултира со „скокање“ на батеријата.

Колку повеќе батеријата отскокнува кога паѓа, толку помалку е наполнета. Ако батеријата скокне приближно колку што е долга, речиси сигурно е целосно празна.