Стотици приврзаници на Реџеп Таип Ердоган се собраа во неделата вечер во Аја Софија за да ја прослават неговата победа на изборите, пишува турски Сабах.

Прославата дојде предвреме од планираното, бидејќи намерата беше по официјализирањето на победата избирачкиот штаб на Тајип Ердоган утре наутро да ја посети Света Софија, која сега функционира и како џамија, со цел да се моли.

#Ayasofya Camii’nde toplanan vatandaşlar, Başkan Erdoğan’ın zaferini tekbirlerle kutluyor. pic.twitter.com/1qFsvfiCMK

— Sabah (@sabah) May 28, 2023

Дури се очекува настанот да биде комбиниран со голема фиеста од страна на неговите поддржувачи.

Според 99,3% од преброените гласови, Ердоган добил 52,09%, а Киличдароглу 47,91%.

Кемал Киличдароглу преовладуваше во Истанбул, Измир, Едрене, турскиот брег и источна Турција.

Иако денеска во Истанбул беше врнежлив ден, приврзаниците на Ердоган излегоа на улиците да слават со знамиња и песни, расположение кое владееше во текот на целата изборна кампања.

Самиот Ердоган во првото појавување по изборниот резултат се појави пред своите поддржувачи со песна.

„Денес е голем ден. Со почит кон изборниот резултат и помеѓу два верски празници, прославивме ден на демократијата за иднината на нашиот народ и децата. Ќе бидеме достојни за вашата доверба. Ние припаѓаме на Турција и Турција ни припаѓа. Единствениот победник е Турција. А на 14 и 28 мај победник беше нашиот народ“, рече Ердоган и им се заблагодари на сите што учествуваа во изборната кампања.