ВИДЕО: Принцот Вилијам и Кејт Мидлтон отворија свој канал на „Јутјуб“
Принцот Вилијам и Кејт Мидлтон отворија заеднички јутјуб-канал насловен „The Duke and Duchess of Cambridge“ и веќе имаат над 207.000 следбеници кои со нетрпение ги очекуваат новите објави на славната кралска двојка.
„Сега мораш да внимаваш што ќе кажеш, затоа што сè се снима“, шеговито ѝ рече принцот Вилијам на својата сопруга Кејт Мидлтон на почетокот на видеото со кое го најавија лансирањето на нивниот јутјуб-канал.
Воведното видео со наслов „Добре дојдовте на нашиот официјален јутјуб-канал“ прикажува кратки инсерти за сè што следбениците ќе имаат можност да го видат во нивните следни објави.
Имено, кралската двојка ќе се обиде да ја приближи јавноста кон добрите и лошите страни на животот на високи членови на нивното семејство.
Видеото беше објавено во средата на 5 мај и за само еден ден собра повеќе од 1,032,920 прегледи. А, нивниот профил веќе го заследија над 207.000 луѓе кои внимателно ќе ги следат најновите објави.
Ова е само еден во низата чекори со кои идниот крал сака да ја модернизира монархијата.