ВИДЕО: ППД Загреб е вториот учесник на Ф4 турнирот во СЕХА
После Веспрем од Унгарија, и хрватскиот ППД Загреб се промовираше како полуфиналист на Фајнал-фор турнирот во СЕХА Газпром лигата кој ќе се одржи во Задар од 2 до 4 септември 2022 година.
Во еден драматичен натпревар во Нови Сад (Србија), во четвртфиналето ППД Загреб триумфираше со минимален резултат 23:23 против Војводина.
Хрватите водеа во поголемиот дел од мечот, но налета на силен отпор на српскиот шампион кој израмни со голот на Миленковиќ на 20 секунди пред крајот.
Но, Срна на спротивната страна во следниот напад од земја упати удар кој не можеше да го одбрани Лучин, па тимот на Ивица Обрван така многу потешко од очекувањата си обезбеди настап на Ф4 завршницата.
Во победничките редови најефикасен беше Иван Чупиќ со шест голови, а поранешниот играч на Вардар 1961, Тимур Дибиров дебитираше со четири погодоци.
Always a pleasure to watch Timur Dibirov in action 🤩#SEHALeague #experiencehandball @RKZagreb pic.twitter.com/h9WJGEChOW
— SEHA-GAZPROM LEAGUE (@SEHALeague) August 17, 2022
На спротивната страна по четирипати во листата на стрелците се запишаа Пешиќ, Грозданиќ и Пухуски.
ППД Загреб во полуфиналето ќе игра против победникот од дуелот Вардар 1961 – Нексе закажана за 23 август, а два дена подоцна Е. Пелистер е домаќин на Мешков Брест, а подобриот ќе игра против Веспрем.