ВИДЕО | Пожар во станбена зграда во Газа, над 20 мртви, меѓу нив и деца
Најмалку 21 лице, вклучително и цели семејства и деца, загинаа во пожар во станбена зграда во бегалски камп на северот на Газа, соопшти палестинската управа во градот, јави Си-Ен-Ен.
Пожарот избувнал во бегалскиот камп Џабалија, соопшти Министерството за внатрешни работи на Газа. Со прелиминарната истрага е утврдено дека во објектот е пронајдено поголемо количество бензин што придонело за ескалација на пожарот. Сите во зградата загинаа.
Меѓу загинатите има цели семејства, јавуваат локалните медиуми, повикувајќи се на лекари, претставници на локалната власт и фармацевти, како и нивните сопруги и деца, меѓу жртвите.
The celebration turned into a tragedy in the Jabalia camp, in the Gaza Strip
The "Abu Raya" family was celebrating the return of the head of the family from abroad before the fire broke out.. 21 deaths so far, all from one family.💔😥#Gaza #غزة pic.twitter.com/o1sMmTU5ko— Ismail Mustafa 🇵🇸 (@ismail_mustafa4) November 17, 2022
Хусеин Ал Шеик, генералниот секретар на извршниот комитет на Организацијата за ослободување на Палестина, го повика Израел да го отвори преминот Ерез за да дозволи ранетите да бидат транспортирани во болниците надвор од Газа. Израелскиот министер за одбрана Бени Ганц рече дека би било правилно Израел да го стори тоа за да спаси човечки животи, но дека нема преживеани и затоа нема потреба.
#Gaza news outlets are reporting that large amounts of gasolene were stored in the residential building in the "refugee camp", and that is the reason so many were killed. https://t.co/X54mm724K4 https://t.co/IwIIYPJTk8 pic.twitter.com/jGc2RCqRr6
— زن زندگی آزادی Imshin (@imshin) November 17, 2022
Израел го контролира преминот Ерез, еден од ретките контролни пунктови што овозможува движење меѓу Израел и Газа. Полициските сили, цивилната одбрана и форензичките тимови сè уште го истражуваат инцидентот, соопшти Министерството за внатрешни работи на Газа.
Многу семејства кои живеат во Газа имаат залихи гориво за генераторите за напојување бидејќи Газа има електрична енергија само осум часа на ден. Претседателот на палестинската управа Махмуд Абас прогласи ден на жалост за жртвите.
