ВИДЕО | Потегот на Додик да донесе хармоникаш во зградата на претседателство е „капка што ја прели чашата“, се бара забрана за негово занимавање со политика

printscreen KLIK. ba

Група незадоволни граѓани се собраа денеска на протести пред зградата каде што е сместена канцеларијата на високиот претставник на меѓународната заедница за БиХ во Сараево.

Според локалните медиуми, насобраните протестираат против наводното уништување на уставно-правниот поредок на Босна и Херцеговина.

printscreen KLIKS.ba

Демонстрантите за порталот „Кликс“ изјавија дека постапката на членот на Претседателството на БиХ, Милорад Додик, да донесе хармоникаш во кабинетот, ја прелеала чашата и дека биле предизвикани да излезат на улица и да го кренат својот глас во врска со актуелната политичка ситуација во федерацијата.

Носејќи транспаренти со порака – Уставот и на БиХ и на Германија подеднакво мора да се почитуваат“, граѓаните побараа од високиот претставник на БиХ Кристијан Шмит, забрана за политичка активност на српскиот член на Претседателството на БиХ Милорад Додик, претседателката на РС Жељка Цвијановиќ, претседателот на Народното собрание на РС Недељко Чубриловиќ.

– Високиот претставник на меѓународната заедница има моќ да ги смени политичарите кои работат на уривање на уставниот и правниот поредок – порачаа насобраните демонстранти .

Тие на протестот порачаа дека меѓународната заедница треба да биде многу поактивна и дека Високиот претставник не треба да бега од овластувањата кои ги има доколку е потребно, пренесува порталот „Кликс“.

Блокадата на федералните институции на Босна и Херцеговина трае повеќе од три месеци, откако поранешниот висок претставник Валентин Инцко воведе закон за негирање на геноцидот. Претставникот на Србите во Босна, Милорад Додик, не го признава новиот претставник на меѓуанародната заедница Кристијан Шмит и не учествува во работата на заедничките институции се додека не се повлече спорниот закон.


Неодамна Додик донесе хармоникаш во зградата на федералната зграда и заедно со своите најблиски соработници пееше српски песни, што од страна на другите два ентитети во Босна беше протолкувано како провокација и омаловажување на федералните институции.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот