ВИДЕО | Потег за респект: Чекаа 30 години да освојат пехар, им го подарија на лекарите
Екипата на Реал Сосиедад триумфираше во Кралскиот куп откако во филето го совлада големиот ривал од Баскија, Атлетик Билбао, а потоа направија потег со кој ги освоија срцата на сите Шпанци.
Тие трофејот наменет за освојувачот на Купот го однесоа во болницата во Сан Себастијан и им го подарија на медицинскиот персонал во знак на благодарност за се што сторија за време на пандемијата на коронавирусот.
„За сите луѓе кои се борат секој ден против пандемијата, овој Куп е ваш. Вие сте вистинските шампиони“, напиша Реал Сосиедад на социјалните мрежи.
Клубот исто така објави видео од предавањето на трофејот на кој чекаа повеќе од 30 години.
– Тоа е акција за која размислувавме уште од почетокот на пандемијата. Сакавме пехарот да им го понудиме на лекарите бидејќи тие се вистинските херои во ова време. Сакаме да им се заблагодариме за претгодната година и се надеваме дека се ќе заврши наскоро – изјави претседателот на Реал Сосиедад, Хоакин Аперибај.
This is beautiful, Real Sociedad presenting the Copa del Rey trophy to the real Champions! ?⚕️??⚕️ pic.twitter.com/fK2yxbtcNe
— Alexandra Jonson (@AlexandraJonson) April 9, 2021
Докторите кои го кренаа трофејот се заблагодарија на клубот бидејќи како што велат, зад нив е емотивна и тешка година.
– Исто така сакаме да се заблагодариме бидејќи го препознавте нашиот труд и трудот на сите навивачи кои се однесуваат примерно за време на прославата на освојувањето на пехарот – порачаа лекарите.