ВИДЕО | Последен говор на Трамп: Не го спомена Бајден, ама нагласи дека е прв претседател кој не почнал војна
Белата куќа го објави прошталниот говор на американскиот претседател Доналд Трамп пред утрешната инаугурација на Џо Бајден.
Говорот на Трамп е снимен во Белата куќа и трае помалку од 20 минути.
„Оваа недела ја инаугурираме новата администрација и се молиме за нејзиниот успех, да ја одржи Америка сигурна и успешна“, рече тој и додаде: „Исто така им посакувам среќа“.
Иако се работи за редок гест на добра волја кон неговиот наследник, Трамп во видеото ниту еднаш не го спомена Бајден.
„Го направивме она што дојдовме да го направиме – и многу повеќе од тоа. Се борев во тешките битки, најтешките битки и донесував одлуки, зошто тоа беше она за што ме избравте“, им порача Трамп на Американците.
Тврдеше дека „најголема опасност“ која сега и се заканува на Америка е „губењето верба во големината на нацијата“:
Во говорот тој ги наброја и сите работи кои неговата администрација во изминатите четири години ги направи, од „спротивставувањето на Кина на начин на кој никој претходно не го направил“ па се до „серијата историски мировни договори на Блискиот исток“.
Светот повторно не почитува, ве молам не го губете тоа почитување“, порача Трамп.
„Посебно сум горд што сум првиот претседател во повеќе десетлетија кој не покрена ниту една нова војна“, рече Трамп.
Тој го спомена и неодамнешниот упад на своите приврзаници во зградата на Капитол.
„Сите Американци се згрозени од нападот на Капитол… Тоа не можеме да го толерираме“, рече тој.
Посебно е интересна пораката која ја испрати на крајот од говорот: „Сакам сите да знаете дека движењето кое го основавме е само почеток“.