Денеска почнува божиќниот пост кој трае до 7 јануари. Доколку планирате да го постите целиот пост или барем еден дел, еве предлог за вкусен и брз ручек кој е полн со витамини. Станува збор за мешавина од зеленчук запечен во рерна. Зеленчукот можете да го комбинирате по желба, зачинете и испечете. Пријатно!

Состојки:

– 1 помал карфиол (може и брокула)
– половина праз
– грст боранија и грашок
– 2 свежи пиперки
– 2 моркови
– 1 компир
– 1 домат
– половина корен од целер
– маслиново масло
– 200 мл варени домати

Зачини:

– половина лажичка слатка мелена пиперка
– бибер
– 1 лажичка кари
-1 лажичка сув зачин
– 1 лажичка лук во гранули
– лист од магдонос

Подготовка:

Во помал сад измешајте ги зачините и сипете ги сите зеленчуци кои ги исечкавте по желба. Измешајте со рацете. Додадете половина мал филџан маслиново масло (30 мл), па повторно измешајте. Плехот од рерната обложете го со хартија за печење, па сипете го зеленчукот и распоредете го.

По желба додадете уште малку масло одозгора. Сипете ги сварените домати и печете во рерна на 220 степени околу 45 минути. Послужете топло.