ВИДЕО | Порака од докторите: Неуморно се бориме за здравјето и животот на сите пациенти

Здравствените работници неуморно го даваат својот максимум во третманот и грижата за пациентите. Капацитетите на болниците се веќе преполнети, а динамиката на излекување и прием на нови пациенти е се потешко одржлива. Целиот медицински персонал е преморен, но тие не се откажуваат во грижата за нашите пациенти.
Во видео обраќање, д-р Милена Стевановиќ, д-р Дејан Докиќ, д-р Калина Гривчева-Старделова, д-р Илир Демири, д-р Ирена Рамбабова Бушљетиќ, д-р Димитар Каркински и медицинскиот техничар Сабри Азири порачуваат да бидеме нивната поддршка. Тие апелираат да ги почитуваме мерките за да може да им помогнеме и на нив, кои изминативе 9 месеци се во првите борбени редови.
„Ангажирани сме цело време со сета наша желба да дадеме најдобро што можеме. Одамна престанавме да пресметуваме работно време. И ние имаме семејства, имаме деца, имаме постари родители. И ние не сакаме да ја однесеме болеста дома, ниту пак да се разболиме. Се трудиме и ќе настојуваме ниту еден пациент да не остане без потребната медицинска заштита за третман во болнички услови. Ова ќе трае и само сплотени можеме да дадеме придонес, за да можеме да им помогнеме на нашите пациенти. Ве молиме! Придржувајте се до препораките, носете ги маските, одржувајте ја дистанцата. Само така ќе излеземе победници во оваа битка.”, порачуваат докторите.
Носењето на заштитна маска, одржувањето на физичка дистанца, негрупирањето како и честото миење на рацете се клучните мерки во справувањето со ковид-19 кризата. Да бидеме одговорни и да се грижиме за сопственото здравје и здравјето за нашите најблиски.

Прочитајте и...  Највисоки плати во Владата земаат Заев и Спасовски, Шахпаска и Шеќеринска со најголем стаж

Поврзани вести

ОЈО: Обвинителен акт и притвор за 11 лица за организирање и поттикнување на трговија со луѓе

Слободен печат

Македонија го потсетила Косово дека чека екстрадиција на обвинетите во „Монструм“

Лука Андреев

ААМ: Архитектот Ѓоко Радовановиќ е добитник на наградата за животно дело „Андреја Дамјанов” за 2020 година

Слободен печат

Од јануарската плата: Минимално зголемување на придонесите од задолжително социјално осигурување

Соња Кириџиевска

МЗ: Ковид-центрите низ земјава со 608 пациенти и 580 слободни кревети

Слободен печат

Трајановски: Жал ми е што не успеав во мое време да го вратам животот на езерото Треска

Остави Коментар