ВИДЕО | Помфрит пица: Тестото го заменуваат крцкави компирчиња!
Доколку сакате пица, но сте љубители и на помфрит, во тој случај рецептот за помфрит – пица дефинитивно ќе ви се допадне. Одлична вечера за сите љубители на брза храна – на малку поинаков начин.
Ако мислевте дека веќе го знаевте трикот и дека не е нешто ново да ставите помфрит над свежо печена тесто за пица, не сте во право. Во овој рецепт компирот всушност го менува тестото како основа на две нивоа.
Состојки:
- 1 кг помфрит
- 100 гр пармезан
- 300 гр рендана моцарела
- 300 гр сирење
- 1 мала конзерва сос од домати
- неколку парчиња зачинети колбаси исечени на кругчиња
- 1 лажичка оригано
- сол и црн пипер
Подготовка:
Загрејте ја рерната на 200 степени, потоа ставете ги компири во тава со масло и пржете ги 15 минути. Потоа одделете дел (околу 200 гр.) компири, а остатокот ставете го во тркалезна тава за пица и притиснете. Притискајте со чаша за компирите убаво да го покријат дното и да формираат тесто, а потоа ставете мешавина од пармезан и оригано. Печете 20 минути.
Извадете од рерна и ставете сирење, додадете го сосот со домати и ставете ја одозгора моцарелата. Одозгора ставете го остатокот од помфритот, па повторете ја постапката и редете на слоеви – сирење, доматен сос, моцарела (овој пат 200 гр) и на крај наредете ги парчињата колбаси.
Печете половина час на 190 степени додека не добие убава боја, пренесува Tastemade.
Добар апетит!