Полицијата во руската Република Дагестан денеска испука предупредувачки истрели од автоматско оружје за да ги растера демонстрантите кои денеска протестираа против воената мобилизација, информираа локални активисти.

Како одговор на наредбата на претседателот Владимир Путин од неделавва недела, жителите на Ендиреј го блокирале влезот во гратчето за да им оневозможат пристап на властите, наведува веб-страницата за граѓански права OVD-Info.

Протестот бил организиран откако 110 мажи биле повикани да одат на фронтот во Украина во местото, кое има помалку од 8.000 жители, пишуваа локалните медиуми.

На видеа објавени на социјалните мрежи се гледа како полицајците испукуваат кратки рафали во воздух, а жителите се на раб на отворен конфликт со полицијата, пренесе ДПА.

Полиция стреляет в воздух, вытесняя протестующих с дороги pic.twitter.com/TMZ9kwPqMM

— Руслан Ахалчи (@akhalchi) September 25, 2022

Протести имало и во главниот град на Дагестан, Махачкала, каде граѓаните се собрале на протест, дале отпор на мобилизацијата и се судреле со полицајците.

In #Makhachkala, #Dagestan the detention of a protester was prevented. pic.twitter.com/DybiOoZPmr

— NEXTA (@nexta_tv) September 25, 2022

По минатонеделната најава за делумна мобилизација за војната против Украина, избувнаа масовни протести низ цела Русија, на која се уапсени повеќе од 2.000 луѓе.

Дагестан и соседната Чеченија се кавкаски руски републики со доминантно муслиманско население, познати по крвавите војни за независност во 90-тите, во кои загинаа илјадници луѓе. Дагестан наводно е меѓу руските региони од кои во моментов се мобилизираат најмногу луѓе.