ВИДЕО: Погледнете како еден полицаец спречи да настане поголема трагедија при упадот во Конгресот
Видеото кое е снимено за време на упадот на поддржувачите на Трамп во Конгресот веројатно најдобро сведочи за природата на конфликтот кој загрози добар дел од светот.
Заради тој упад, односно нередите и насилството предизвикани од поддржувачите на Трамп, беше покренат и изгласан импичмент за американскиот претседател во заминување, кој се обвинува за поттикнување на нередите.
Најгледаното видео од тој настан го направи новинарот на порталот „The Huffington Post“, Игор Бобиќ, а како што пишува Јутарњи лист, на него се покажува како полицаец со афроамериканско потекло спречил да се создаде уште поголем конфликт.
На снимката се гледа соочувањето на полицајците со група на демонстранти кои на 6 јануари упаднаа во зградата на Конгресот за да се обидат да ги оспорат резултатите од минатогодишните претседателски избори во САД на кои Бајден го победи Трамп, пишува Вашингтон пост.
Here’s the scary moment when protesters initially got into the building from the first floor and made their way outside Senate chamber. pic.twitter.com/CfVIBsgywK
— Igor Bobic (@igorbobic) January 6, 2021
Снимката брзо се прошири на социјалните мрежи, а афроамериканскиот полицаец е прогласен за херој бидејќи 85 секунди без употреба на насилство или смртоносна сила им даваше отпор на насилниците кои константно му се приближувале.
Полицаецот за време на конфликтот два пати се повлекувал по скалите, но експертите велат дека тој не се повлекувал навистина, туку ја одвлекувал толпата од салата каде заседавал Сенатот, која била преполна од сенатори кои ги штителе наоружани полицајци.
Полициската управа на Капитол хил не го откри идентитетот на полицаецот, но три негови пријатели рекле за Вашингтон пост дека станува збор за Јуџин Гудман од сојузната држава Мериленд.
Eugene Goodman deserves the Medal of Valor! He could have stepped aside and let Trump insurgents get to the Senate chamber while Senators were still there. Instead, this heroic officer got them to follow him the other direction, giving lawmakers time to escape! pic.twitter.com/BFeK3ZBktN
— Ben Crump (@AttorneyCrump) January 11, 2021
Професор по право на Правниот факултет во Њујорк и бивши полициски службеник од Полициската управа на тој град, Кирк Буркелтер рекол за Вашингтон пост дека Гудман со таа постапка најверојатно спречил избивање на насилен судир.
„Да постапеше различно, тој ден можеа да загинат многу повеќе лица“, рекол тој после инспекцијата на снимката. „Тие луѓе таму дојдоа со пластични лисици. Не е неразумно да се помисли дека биле подготвени да земаат заложници… службеникот Гудман помогна да не дојде до голема трагедија“.
Инаку во нередите тој ден починаа пет лица.
Извор: Б92