По ремито со селекцијата Шпанија, Србија вечерва им приреди разочарување на навивачите со поразот од Данска 2:0.

Данска ја елиминираше Србија на Европското првенство, а сега овој пораз сигурно повторно ќе донесе реакции во српската јавност.

Не доминираа Данците толку многу, но ги искористија своите шанси и дојдоа до победата. Резултатот го отвори Гронбек во 36. минута, а во 61. минута Поулсен со атрактивен гол ги постави конечни 0:2.

Србија во финишот изгледаше безидејно и не создаде некоја посериозна прилика, па мораше да се помири со поразот.

Во овој септемврски циклус, Србија беше драстично ослабена и без дури 14 фудбалери кои играа на Европското првенство. За поправка на впечатокот избраниците на Пикси ќе имаат шанса во октомври кога ќе ја пречекаат Швајцарија и ќе гостуваат кај Шпанија.