ВИДЕО | Петровска од Битола: Ги следиме насоките на здравствените власти, овој бран е потежок од претходните
Градоначалничката на Битола Наташа Петровска вели дека овој град не е ново жариште, но сериозна е здравствената слика на ниво на целата држава имајќи ги предвид анализите со заболените на ниво на целата држава.
-Општина Битола веќе две недели работи со поинаков режим – тоа значи работното време е организирано во две смени со пауза помеѓу едната и другата смена за да може и просториите да се адаптираат согласно со заштитните мерки, постојано ги следиме бројките кои што се регистрираат и во институциите кои што се под надлежност на општината, јавните претпријатија и училиштата, таму немаме алармантност што покажува дека нема соодветна организациона поставеност со заштитните мерки во рамките на работата која што се изведува и тоа го имаме низ статистика и бројки, вели Петровска во Утрински брифинг на Слободна ТВ.
Според неа факт е дека на ниво на општина бројот на заболени е зголемен и најлошо е тоа тоа што пациентите се во критична состојба.
-Во споредба со претходните бранови на заразата кога реално имавме повисоки бројки на заболени пациенти, сега има повеќе пациенти на кои што им е потребна кислородна поддршка. Ценам дека Централниот кризен штаб од секогаш сериозно се поставувал и дека следејќи ги целокупните состојби верувам во нивните следни чекори кои што ќе ги преземат затоа што она што го правиме како општина е најправилно и она што тие како централен кризен штаб го даваат како насоки мислам дека е за респект, изјави во УБ градоначалничката на Општина Битола, Наташа Петровска.
Целиот разговор погледнете го во видеото: