ВИДЕО: Петмина исчезнати, 16 повредени во експлозијата што го стресе Леверкузен
Пет лица се исчезнати, а најмалку 16 се повредени, од кои двајца потешко во силната експлозија која го стресе индустрискиот парк во Леверкузен, град во западна Германија што предизвика голем облак црн чад.
Од граѓаните е побарано да останат во своите домови, а преку сирените и преку мобилната апликација на германската цивилна заштита ги предупреди за „екстремна опасност“.
Експлозијата се случи во 9.40 часот по локално време, предизвикувајќи пожар во складот за гориво во „Хемпарк“, индускиопт парк за хемиските компании, меѓу кои се и компанијата Баер и Лансес, соопшти од „Курента“, операторот на „Хемпаркот“, пренесува Ројтерс.
Повеќе од 30 компании работат на локацијата на „Хемпаркот“ во Леверкузен. Компанијата „Баер“ и „Ланксес“ во 2019 година ја продадоа „Курента“, операторот на тој парк на компанијата „Меквери инфрастрачр“ за 3,5 милијарди евра.
Се уште не е познато што е причината за експлозијата и пожарот по неа.
Неколку патишта во околината се затворени.