Петгодишно девојче е спасено од урнатините откако седум часа по земјотресот била заробена, јавуваат турските медиуми.

Малата Ајше живеела со своите родители и брат во шесткатница во градот Кахраманмараш. Кога земјотресот ја погодил областа, зградата се урнала, а семејството останало заробено под урнатините.

Сите се живи. Мајката успеала да испрати групна порака преку социјалните мрежи и да повика помош. После тоа, голем број луѓе се упатиле кон урнатините да му помогнат на семејството.

Мајката, таткото и синот биле спасени рано наутро, но не било лесно да се дојде до девојчето Ајше. Родителите можеле да разговараат со неа, а таа во еден момент им рекла дека е добро.

ВИДЕО | Во Газиантеп се урна тврдина стара над 2 илјади години како последица на земјотресот

Стравувајќи од нови потреси, луѓето во неколку турски градови се кријат во своите автомобили

Седум часа подоцна, малото девојче било извлечено од урнатините. Ја ставиле на носилка и ја однеле во болница. Според локалните медиуми, таа цврсто го држела за рака својот татко цело време додека ја носеле во амбулантното возило.

„Со свои раце ископавме за да ги извлечеме мајката, таткото и синот. Истото го направивме и за малата Ајше. Успеавме да ја ископаме. Штом слушнав што се случи, влеговме во автомобилот и побрзавме тука“, рече колешка на мајката на Ајше.

ВИДЕО | Моментот кога вториот земјотрес ја стресе Турција снимен во живо на телевизија

„Баба ми е заробена во зградата“: Турските ѕвезди се огласија за земјотресот, бараат помош

ВИДЕО | Моментот кога се урна станбена зграда во Турција