ВИДЕО: „Петарда“ на Лидс, Алиоски со првиот гол во Премиер лигата!

Фото: EPA-EFE/Tim Keeton/POOL

Во 13 коло од Премиер лигата составот на Лидс на својот „Иланд роуд“ триумфираше убедливо над Њукасл со конечен резултат 5:2.

И на овој меч од првата минута кај домаќините стартуваше македонскиот репрезентативец Езгјан Алиоски кој ја одигра целата средба и воедно прослави со неговиот прв гол сезонава за Лидс во Премиер лигата.

Тоа се случи во 85 минута после асистенцијата на Хернандез за водство на домашната екипа од 4:2.

За тимот на Биелса во листата на стрелците се запишаа уште Бамфорд, Родриго, Далас и Херисон, а на спротивната страна погодоците беа дело на Хендрик и Кларк.

Важни три бода за Лидс после двата порази од Челси и Вест Хем, моментно е на 13 место со 17 бодови и во наредното коло ќе игра против Манчестер јунајтед на 20 декември на „Олд Трафорд“.

Вечерва се одиграа уште два меча, Евертон славеше на гостувањето кај Лестер (0:2), а Арсенал ги продолжува очајните настапи играјќи само реми (1:1) дома против Саутемптон.

Видео на денот