Кошаркарите на Партизан вечерва во Белград го совладаа тимот на израелскиот Макаби со резултат 98:75 во натпреварот од 19. коло на Евролигата.

Најефикасен во српската екипа беше Стерлинг Браун, кој постигна 21 поен, додека Брендон Дејвис додаде 16.

Во тимот од Тел Авив најдобар беше Тамир Блат со 16 поени.

„Црно-белите“ од Белград во сезоната во Евролигата досега забележаа девет победи и 10 порази, додека Макаби има скор од 5/14.

Кошаркарите на Партизан ќе му гостуваат на Панатинаикос во следното, 20. коло од Евролигата, додека Макаби во Белград ќе игра против Олимпија од Милано на македонскиот репрезентативец Ненад Димитријевиќ.

Евролига, 19 коло
Петок, резултати:

Фенербахче – Анадолу Ефес 84:76
Панатинаикос – Виртус Болоња 111:90
Париз – Барселона 79:90
Партизан – Макаби Тел Авив 98:75
Реал Мадрид – Баерн 88:76

Табела: Монако 13-6, Олимпијакос 13-6, Панатинаикос 12-7, Париз 11-7, Фенербахче 11-7, Црвена звезда 11-8, Баерн 11-8, Реал Мадрид 10-9, Анадолу Ефес 10-9, Барселона 10-9…