ВИДЕО: Панична реакција на премиерката на Исланд, среде интервју стресе земјотрес
Рејкјавик и околината денеска беа погодени од силен земјотрес со јачина од 5,6 степени, но немало штета. Земјотресот накратко само ја прекинал собраниската седница.
Во тоа време и премиерката на Исланд Катрин Јакобсдотир давала онлајн интервју за состојбата со ковид-19, кога среде реченица нејзиниот кабинет се стресе, а таа имаше панична реакција, која ја насмеа јавноста.
-О господе, уште еден потрес, се извинувам во моментов имаше земјотрес- вели испаничено Кетрин, а потоа со блага насмевка додава: „Ова е Исланд“.
Силниот земјотрес траел неколку секунди, проследен со неколку помали последователни потреси, а собраниската седница била одложена петнаесет минути.
Во Рејкјавик, земјотресот бил проследен со силен татнеж.
Според Метеоролошкиот институт во Исланд, епицентарот бил на дваесетина километри од главниот град, во геотермалната зона Селтун.
„Нема повредени или материјална штета“, објави цивилната заштита, но сепак ќе се изврши увид за да се потврдат тие информации.
Jarðskjálfti á Alþingi pic.twitter.com/cnWPtZXHkL
— Andri Steinn Hilmarsson (@AndriHilmarsson) October 20, 2020