ВИДЕО: Пандев и Џенова од 2:0 до 2:3, Удинезе минимално со Специја

пандев
Горан Пандев со Џенова за четвртфинале ќе игра против Милан во италијанскиот Куп/Фото: EPA-EFE/FABIO MURRU

Се одиграа уште три натпревари од третото коло во најсилното италијанско првенство, Џенова иако беше во негатива од 2:0 против Каљари, на крајот успеа да дојде до бодовите.

Каљари водеше со головите на Жоао Педро (од пенал) во 16 минута и Чепители во 56 минута.

Гостите намалија во 59 минута со голот на Дестро, а веднаш после тој погодок играта ја напушти македонскиот напаѓач Горан Пандев.

Не се предаваа играчите на Балардини, и во 69 и 78 минута направија целосен пресврт за прв триумф сезонава по поразите од Интер и Наполи.

Торино беше убедлив против Салернитана (4:0), додека Удинезе славеше минимално кај Специја со резултат 0:1.

На овој меч во составот од Удине не беше нашиот интернационалец Илија Несторовски кој сè уште се опоравува од повредата на коленото.

Во генералниот пласман Удинезе е на третото место со седум бодови, колку што има и второпласираниот Интер, лидер е Наполи со девет, а Џенова е на 13 позиција со три бодови.

ВИДЕО: Интер за првпат без триумф сезонава во Серија А

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот