Мачките, особено оние кои се научени на луѓе, обожаваат да се галат и со задоволство ќе се испружат пред секој само да покажат колку се питоми и дека им е потребно внимание.

Но, во видеото објавено на „Редит“ насловено „Многу пријателски расположена мачка“ се гледа една мачка која е толку опуштена пред луѓе, дури и пред оние што не ги познава, што му создала „мал проблем“ на ветеринарот.

Имено, мачката морала да стои за да може ветеринарот да ја прегледа. Но, секогаш кога сопственикот ќе ја исправи, мачката едноставно повтнорно легнува и бара да ја галат.

„Каде можам да најдам толку забавна мачка?“, „Човекот многу ја разгалил оваа мачка“, „Престанете да ме лекувате, само сакајте ме!“, се дел од коментарите под видеото.