Директорот на ЦУК, Стојанче Ангелов апелира до ЈП Водовод и канализација – Скопје за итно преземање на соодветни мерки во врска со отворената шахта спроти ТЦ Скопјанка, која претставува опасност и ризик од загрозување на безбедното движење на граѓаните.

Ангелов минатата недела информираше за пријава од граѓани за две отворени шахти во општина Аеродром – едната спроти ТЦ Скопјанка, а другата веднаш после подземен премин, на булеварот  „Кузман Јосифовски Питу“, зграда бр. 28 (пред „Спортлајф“).

– ЦУК веднаш по пријавата ги извести ЈП Водовод и канализација на Град Скопје од каде добивме одговор дека и двете шахти се во сопственост на станарите и деловните објекти во околните згради. Бидејќи местото на кое се наоѓа отворената шахта е доста фреквентно, а во вечерните часови видливоста е значително намалена, повикуваме на итно санирање и решавање на овој проблем – велат од ЦУК.