ВИДЕО | „Отворен Балкан“ три дена потоа: Цеца и Драгана ечат на албанските плажи

Фото: EPA-EFE/Facebook/Instagram

Со песните на Цеца, Драгана Мирковиќ и другите српски турбофолкери, туристи се забавуваат на албанската плажа, поточно во заливот Лалзи, 30 километри северно од Драч.

“На албанските плажи се слуша српската турбо-фолк пејачка Цеца Ражњатовиќ, а видеото од таму го испрати наш читател”, стои во објавата на косовска „Газета Експрес“, пренесува „Слободен печат“.

И претходно, српска музика се слушаше на албанските плажи, со оглед на се поголемиот број на српски туристи кои ги освојуваат албанските летувалишта. Не е познато само дали музиката во албанските локали се пушта на барање на гостите или по иницијатива на вработените за да привлечат повеќе гости, пишува порталот.

Поради ковид пандемијата минатото и ова лето Албанија стана привлечна дестинација за српските туристи кои претходно летуваа најчесто во Грција, но поради поригорозните мерки од грчка страна, а полабавите во Албанија, тие ја преферираат ова за нив, нова атрактивна алтернатива.

Во четвртокот српскиот претседател Александар Вучиќ, албанскиот премиер Еди Рама и домаќинот, премиерот Зоран Заев, во рамки на Економскиот форум во Скопје го зајакнаа регионалното поврзување преку иницијативата „Отворен Балкан“, дотогаш позната како „Мини Шенген“.

Тие потпишаа три меморандуми: за соработка за олеснување на увозот, извозот и движењето на стоки на Западен Балкан, за слободен пристап на пазарот на трудот на Западен Балкан и Договор за соработка за заштита од катастрофи на Западен Балкан и се очекува до 2023 година да се овозможи целосно ослободен прекуграничен проток на граѓаните од трите земји.

Духот на соработката, разбирање и взаемно почитување веќе функционира на албанското приморје:

Видео: Газета Експрес/Косово

 

Видео на денот