ВИДЕО | Откако Лавров го извиси, Вучиќ учи германски: Од говорот на Меркел научил неколку фрази
Претседателот на Србија, Александар Вучиќ на официјалниот Инстаграм профил објави видео снимка во која го слуша говорот на германската канцеларка Ангела Меркел и така учи германски јазик.
Вучиќ во таа прилика се обрати на сите кои сакаат да научат германски.
„Ангела Меркел… Сите во Европа ја слушаат со внимание, и јас секако…“, го започна Вучиќ своето обраќање во видео објавата.
„Но овој пат го искористив нејзиниот говор за сопствените потреби, односно учев германски. Научив неколку важни изреки кои се однесуваат на борбата против коронавирусот. На сите почетници, како што сум и јас, им препорачувам да ги користат нејзините зборови и фрази и така добро да го совладаат германскиот јазик“, рече Вучиќ и потоа продолжи на германски.
“Vielen Dank für ihre Aufmerksamkeit!” (Фала многу на вашето внимание)
Германската канцеларка во аудио снимката зборувала за германскиот одговор на пандемијата на коронавирусот.
