ВИДЕО: Осимен го тужи Наполи поради невидена глупост
Виктор Осимен, човекот кој со своите голови по 33 години му ја донесе шампионската титула на Наполи, се најде во центарот на неверојатен скандал.
Нигерискиот фудбалер реши да го тужи Наполи поради скандалозна објава на официјалниот клупски профил на Тикток.
Имено, актуелниот шампион на Италија објави видео во кое го исмеваат соиграчот на Елиф Елмас поради начинот на кој побара да го изведе пеналот и неговото промашување од белата точка на натпреварот против Болоња.
Видеото брзо стана вирално. Наполи подоцна го избриша, но тоа не ја намали штетата што ја направија. Поради понижувањето кое го доживеа, Осимен реши да го тужи својот клуб.
„Она што беше објавено на официјалниот ТикТок профил на Наполи е неприфатливо. Клубот на Виктор јавно го исмејуваше својот играч. Фактот што видеото подоцна беше избришано не го намалува фактот дека тие му нанесоа голема штета на играчот кој во последно време доволно страдаше поради третманот од медиумите и лажните вести. Го задржуваме правото да ги преземеме сите чекори за заштита на Виктор, вклучително и тужба – изјави агентот на Осимен, Роберто Календа.
Here’s the video pic.twitter.com/FOH0IXAGx3
— Tosin Taylor🇳🇬 (@Itstosintaylor) September 26, 2023
