ВИДЕО: Оклахома ги совлада Клиперси во борбата за плеј-оф
Оклахома триумфираше над директниот конкурент за место во плеј-офот, Клиперс, во Лос Анџелес со резултат 101:100 во НБА лигата.
Тоа што повеќе ги загрижува Клиперси од поразот е повредата на Пол Џорџ, кој на четири минути до крајот на натпреварот, беше принуден да ја напушти играта, откако во доскокот доби незгоден удар во десното колено.
Домаќините одлично го отворија натпреварот, поведоа со 18:4, но Оклахома брзо се врати во егал, кој беше актуелен во сите 48 минути од мечот.
Lu Dort locks up Kawhi 🗜
Thunder win. pic.twitter.com/F9000XgG25
— Bleacher Report (@BleacherReport) March 22, 2023
Hope this isn’t a serious injury for Paul George… 🙏 pic.twitter.com/G8ah5CEosA
— NBA Retweet (@RTNBA) March 22, 2023
По повредата на Џорџ, гостите поведоа (93:97), но Клиперси имаа шанса да ја „украдат“ победата во последниот напад. Одговорноста ја презеде Кавај Ленард, но не успеа навреме да упати удар кон кошот, односно добро во дефанзивата одигра Лу Дорт.
За Оклахома најефикасен беше Гилџис Александер со 31 поен, а на спротивната страна Ленард имаше 21 кош. ЛА Клиперс е на петтото место на Западот (38-35), додека Сити Тандер е на седмата позиција (36-36).
НБА, резултати –
Орландо – Вашингтон 122:112
Атланта – Детроит 129:107
Бруклин – Кливленд 109:115
Њу Орлеанс – Сан Антонио 119:84
Сакраменто – Бостон 109:132
ЛА Клиперс – Оклахома 100:101