ВИДЕО: Огромен дел од кинеската ракета кружи неконтролирано околу Земјата, се очекува да падне во следните денови
Огромен дел од ракета кружи околу Земјата без контрола и би можел да падне назад на планетата во следните неколку дена.
Кина во средата го лансирала првиот модул од новата вселенска станица која е во изградба, „Тјанхе“. Објектот тежок околу 21 тон е основниот дел од кинеската ракета „Лонг марч 5б“, пишува Јаху њуз. Наместо да падне на одреденото место во океанот, како што е вообичаено за отфрлените ракети, дел од „Лонг марч 5б“ почнал неконтролирано да кружи околу планетата.
Делот најверојатно ќе падне назад на Земјата во следните неколку дена, извести „Спејс“.
-Мислам дека според моменталните стандарди е неприфатливо да се дозволи да се врати во атмосферата неконтролирано. Од 1990 година ништо потешко од 10 тони не е намерно оставено во орбитата да се врати неконтролирано, рекол астрономот Џонатан Мекдауел.
Модулот е долг околу 30 метри, а широк околу пет. Кога ќе испадне од својата орбита, тој можеби ќе изгори во нашата атмосфера, но големи делови од отпадот може да поминат. Поголемиот дел од планетата го сочинува океанот, па најверојатно е дека таму ќе слетаат деловите, но и понатаму постои закана за населените подрачја.
Патот на модулот го носи „малку посеверно од Њујорк, Мадрид и Пекинг и далеку на југ како што се јужен Чиле и Велингтон, Нов Зелан“ – модулот би можел да падне каде било во тој дел.