ВИДЕО: Од денеска започнува уписот на првачињата, за првпат постои можност и за електонски упис

Фото: Драган Митрески - Слободен печат.

Од денеска започнува уписот на првачиња. Во прво одделение ќе се запишуваат децата родени во 2015 година, а кои до крајот на годината ќе наполнат шест години.

Емилија Арсовска, раководител на сектор образование во Општина Карпош денеска во Утрински брифинг информираше дека запишувањето ќе се одвива на два начина, електронски или преку достава на документите во училиштата.

-Родителите кои сакаат електронски да аплицираат, тоа можат да го направат преку uslugi.gov.mk, и по електонски пат да ги достават сите потребни документи, останатите кои не се во можност да ги запишат децата на овој начин, ќе можат како и минатите години, да ги достават документите во училиштата. За упис, потребно е да се достави извод на родени од детето, потврда за примени вакцини, потврда за направен стоматолошки и офталмолошки преглед, и доколку детето е со попречености да се достави функционална анализа од МКФ, објаснува Арсовска.

По добиените докоменти, следува разговор со Комисијата за упис во училиште која е составена од три члена. Детето во присуство на еден родител доаѓа на веќе закажан термин, а со цел почитување на протоколите за спречување на ширење на вирусот, термините се закажуваат на 20 минути.

-Најголем дел од училиштата во Карпош имаат отворени училници и доколку дозволуваат временските услови, разговорите ќе се извршуваат во нив. Ако нема таква просторија во некое од училиштата, разговорите ќе се одвиваат во најголемата просторија во училиштето. Комисијата ќе биде составена од педагог, психолог и еден одделенски наставник, вели Арсовска.

Според податоците на МВР и Министерството за труд и социјална политика, во Карпош оваа година би требало да се запишат 778 првачиња. Овој број не е конечен бидејќи секогаш постои веројатност некое дете да е иселено од општината или државата.

Согласно Законот за основно образование, децата треба да се запишат во најблиското училиште, како што налага реонизацијата на училиштата. Уписот на првачињата ќе се трае до 31 мај.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот