ВИДЕО| Очаен навивач на Ливерпул: Не сакам да го гледам финалето, сакам да си одам дома

Принтскрин Твитер

Почетокот на финалето од Лигата на шампионите што се игра на стадионот „Франција“ во Париз“ доцнеше половина час, а главна причина беше тоталниот хаос што го направија навивачите на Ливерпул пред стадионот.

Неколку илјади навивачи на Ливерпул наводно без билети влегле на стадионот откако претходно се искачиле и ја поминале оградата висока три метри.


Англиските медиуми пишуваат дека пред стадионот атмосферата била хаотична бидејќи само одреден број влезови биле отворени и дека многу навивачи на Ливерпул не можеле да влезат на стадионот. Полицијата за да воведе ред користела солзавец.

Еден навивач кој успеал да влезе на стадионот, во хаосот го загубил својот брат и не сака да го следи натпреварот.

– За малку ќе заплачев додека влегов. Сега не сакам ниту да го гледам финалето на Лигата на шампионите. Сакам да си одам дома – изјави навивач на Ливерпул.

Видео на денот