ВИДЕО | Обраќање на новата британска премиерка: Кралицата беше пример за сите, ова е голема загуба за нас
Премиерката Лиз Трас се обрати по повод смртта на кралицата, опишувајќи го настанот како „голем шок за нацијата и светот“.
„Сите сме уништени“, рече таа пред толпата насобрана пред резиденцијата во Даунинг стрит. Трас ја опиша кралицата како „карпата на која е изградена модерната Британија“ и „самиот дух на Велика Британија“.
Таа се сеќава дека отишла во Балморал пред само два дена за да се сретне со кралицата за да положи заклетва како премиер и вели дека монархот бил „лична инспирација“ за неа.
Премиерката вели дека посветеноста на кралицата на должноста била „пример за сите“ и дека денес е „ден на голема загуба“.
Таа, исто така, му оддаде почит на кралот Чарлс, велејќи дека земјата сега мора да се обедини за да го поддржи и да ја понуди својата „лојалност и посветеност“.
Својата изјава ја заврши со зборовите: „Боже, чувај го кралот“.
"Queen Elizabeth II was the rock on which modern Britain was built"
Prime Minister Liz Truss pays tribute to the Queen Elizabeth II, who has died aged 96https://t.co/qmv4KQNpMs pic.twitter.com/TVoyQ4Grb0
— BBC News (UK) (@BBCNews) September 8, 2022