ВИДЕО | Нови немири во Израел: Осум повредени во пукање во Ерусалим
Вооружен маж синоќа отворил оган во автобус во близина на Стариот град во Ерусалим, при што рани осум Израелци во сомнителен палестински напад што се случи една недела по избувнувањето на насилството меѓу Израел и милитантите во Газа, соопштија полицијата, пренесува „Гардијан“.
Според израелските болници кои ги лекуваат повредените, две од жртвите се во тешка состојба, меѓу кои и бремена жена со абдоминални повреди и маж со прострелни рани во главата и вратот.
Last night, a terrorist shot at a bus in Jerusalem wounding 8 people, including a pregnant 30 year old woman and a 60 year old man who are in critical care. We pray for their full recovery.
This attack on Israel's capital, a city sacred to all three religions, must be condemned. pic.twitter.com/1XAYZBVSe9
— Israel Foreign Ministry (@IsraelMFA) August 14, 2022
Пукањето се случило додека автобусот чекал на паркинг во близина на Западниот ѕид, кој се смета за најсветото место каде Евреите можат да се молат.
Израелските полицајци го бркаа напаѓачот низ толпата луѓе, но не успеале да го фатат. Денеска, полицијата соопшти дека осомничениот напаѓач сам се предал.
Terror attack in Israel – a shooter targets a bus full of civilians near the Kotel/Western Wall in Jerusalem.
7 wounded, 2 in critical condition. pic.twitter.com/l27Kg2TiXt
— StopAntisemitism (@StopAntisemites) August 13, 2022
Синоќешното пукање во Ерусалим следеше по напнатата недела меѓу Израел и Палестинците во Газа и на Западниот Брег. Минатиот викенд, израелската авијација изврши офанзива во Појасот Газа чија цел беше милитантната група Исламски џихад и започнаа тридневни жестоки прекугранични борби.
Исламскиот џихад истрела стотици ракети за време на разгорувањето за да се одмазди за воздушните напади, во кои загинаа двајца нивни команданти и уште неколку милитанти.