ВИДЕО: Новата 2021 година пристигна на Нов Зеланд и поголемиот дел од Австралија

Први во светот Новата 2021 година ја дочекаа жителите на островите Самоа и Кирибати, кои се најистурени временски зони.

Самоа и Кирибати се затворени за туристи, а на полноќ немаше ни огномет, со оглед што постои голема загриженост поради растот на нивото на морето предизвикано од климатските промени.

Следни што ја испратија 2020 година беа жителите на Нов Зеланд, кои го направија тоа со традиционалниот огномет, кој како и претходно беше највпечатлив во Оукленд. Нов Зеланд слави на вообичаениот начин, бидејќи земјата се справи со коронавирусот, па луѓето се поопшуштени и имаат дозвола од властите да се групираат.

Новата 2021 година пристигна и во поголемиот дел на Австралија, а најголемиот дел од граѓаните ја дочекаа во своите домови, пиејќи коктели, гледајќи телевизија или играјќи видео игри, наведува Сиднеј морнинг хералд. Весникот посочи дека бил организиран и помал огномет.

Новата година беше прославена во Сиднеј, Мелбурн, Канбера, додека во Квинсленд и северните делови на Австралија ќе дојде половина час или еден час подоцна.

Извор.МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот