ВИДЕО | Нов судир меѓу демонстрантите и полицијата во Шангај

Фото: EPA/EFE / MARK R. CRISTINO

Во неколку големи кинески градови се распоредени стотици полицајци за да се спречат протестите што ја зафатија земјата во последните денови поради политиката за Ковид-19 и ограничувањата на слободата.

На улиците на главниот град Пекинг и другите поголеми градови, како Шангај, Гуангжу и Хангжу, зголемен е полицискиот контингент.

Безбедносните сили сè повеќе ги запираат случајните минувачи и ги проверуваат нивните телефони за сомнителна содржина или софтвер, вклучително и VPN што може да се користат за заобиколување на цензурата на интернет. Во Пекинг, полицијата е особено фокусирана на обезбедувањето на шеталиштето на реката Лиангма во близина на дипломатскиот кварт.

Во финансискиот центар на Шангај, беа подигнати бариери долж патот Вулумуки за да се спречи да се соберат големи толпи, како што се случи во текот на викендот. Си-Ен-Ен објави видео на кое се гледа судир меѓу демонстрантите и полицијата во Гуангжу, на југот на земјата. Снимката можете да ја погледнете тука.

Видео на денот