Нов, шести по ред масовен опозициски протест се одржа попладнево во Белград, а по контроверзите околу куклата со ликот на српскиот претседател Александар Вучиќ на претходниот протест, денеска демонстрантите носеа картонски лик на Вучиќ во затворска облека.

Prvi snimak N1 iz drona sa šestog protesta „Srbija protiv nasilja“. Beograd, 9. jun 2023. pic.twitter.com/AyoDiThUBJ

— TV N1 Beograd (@n1srbija) June 9, 2023

Пред насобраните граѓани се обрати актерот и активист Сергеј Трифуновиќ.

– На 3 мај се случи „Рибникар“, на 4 мај Дубон и на 5 мај , се случи нешто што би предизвикало пад на секоја влада во која било држава, а тоа е случајот со педагог, педофил. Па 35 деца на порносајт од човек чија единствена квалификација за работа и пристап до деца е членска книшка на СНС – рече Трифуновиќ.

Srbija protiv nasilja! pic.twitter.com/hdtHKKq7GG

— Darko Simic (@DarkoSimicDS) June 9, 2023

Радикализацијата на протестите е логичен и очекуван чекор што може да се очекува во секоја ситуација кога едната страна поставува барања, а другата ги игнорира, вели професорот и опозиционер Жарко Кораќ, кој додава дека тоа сепак е сценарио кое го посакува, но и за кое ќе биде одговорен Вучиќ.

„Тие не поставија барање „Вучиќ, оди си веднаш“, туку конкретни барања, кои беа исполнети. Не ја обвинувам опозицијата, туку власта, бидејќи Вучиќ сака радикализација. Сѐ што може да се случи ќе биде негова одговорност. Тој предолго е на власт, а судејќи по неговите изјави, веќе не сум сигурен дека е свесен што се случува на улица“, изјави Кораќ за „Н1“.