Ријалити ѕвездата Ким Кардашијан повторно се најде на удар на критики откако беше снимена како зема крпа за која наводно била оставена за Андреа Кими Антонели по Големата награда на Монако. Кардашијан претходно викендот се соочи со негативни реакции поради непријатна средбата со Мартин Брандл.

Изминатиот викенд, 45-годишната ѕвезда допатува во Монако со сестра си Клое за да го поддржи своето момче Луис Хамилтон на една од најпрестижните трки во календарот на Формула 1. Во елегантен фустан на едно рамо и со големи очила за сонце привлекуваше внимание на патеката. Хамилтон, кој ја заврши трката на второто место, беше снимен како ѝ испраќа бакнеж пред да го прими трофејот, а подоцна првпат јавно проговори за нивната врска.

„Прекрасно е што дојде овој викенд и што имам таква поддршка. Неверојатно е да имаш добри луѓе околу тебе, луѓе што те поддржуваат, а таа го прави тоа за мене секој ден“, рече Хамилтон.

Меѓутоа, викендот за Ким Кардашијан не помина без контроверзии. Откако обожавателите на Формула 1 ја критикуваа поради игнорирањето на легендата на „Скај спортс“, Мартин Брандл, кој се обиде да ја интервјуира во текот на обиколката на стартната патека, следувал нов инцидент.

Обожавателите споделија снимка на која се чини дека е ријалити ѕвездата ја зема крпата што била оставена за еден од возачите на победничкиот трон.

Како што наведува news.com.au, малите крпи се обезбедени за тројцата возачи кои завршиле на подиумот  за да можат да се освежат по трката. Во видеото објавено на социјалната мрежа Икс, се гледа како Кардашијан поминува покрај победничкиот подиум, на кој стои голем број 1, и зема бела крпа. Потоа, со крпата ги брише очилата за сонце и лицето пред да си замине држејќи ја в рака.

Kim Kardashian taking the towel meant for Kimi Antonelli after the race in Monaco and wiping her head with it pic.twitter.com/WLB12AiXZA

— F1 TROLL (@f1trollofficial) June 8, 2026

Видеото предизвика многу негативни коментари кај обожавателите.

„Се сеќавам на 80-тите и 90-тите. Монако тогаш беше поим за отменост. Денес повеќе не е така“, напишал еден корисник.

„Замислете да го освоите вашиот прв трон во Монако, а Ким Кардашијан веднаш да ви ја зграпчи крпата“, коментираше друг корисник.

На многумина дополнително им пречело што сè се случило недолго по претходниот инцидент.

„Веќе ме налути што таа целосно го игнорираше Брандл на почетокот. Ова е навистина премногу“, напишал еден корисник.

Друг едноставно се запрашал: „Зошто Ким Кардашијан краде крпи од Формула 1?“

Сепак, некои застана во нејзина одбрана и истакнаа дека Кардашијан веројатно не знаела за кого е наменета крпата и дека таа едноставно го зела во минување.

ФОТО | Ким Кардашијан во проѕирен чипкан фустан ги покажа атрибутите

ФОТО | Луис Хамилтон и Ким Кардашијан не се одвојуваат еден од друг откако ја официјализираа врската