Фудбалерите на Њукасл на гостински терен го совладаа Саутемптон со 0:1, во првиот натпревар од полуфиналето на Лига купот.

Стрелец на единствениот гол на натпреварот беше бразилскиот интернационалец Жоелинтон во 73 минута на стадионот „Ст. Мери`с“.

Во 86 минута домаќините останаа и со еден играч помалку поради два жолти картони на Хрватот Чалета-Цар.

Реваншот ќе се игра на „Ст. Џејмс Парк“ на 31 јануари. Еден интересен податок вели дека Њукасл во Англија нема освоено пехар од 1955 година.

Нотингем форест и Манчестер јунајтед в среда ќе ги одмерат силите во првите 90 минути од двомечот.