Кошаркарите на Бостон селтикс со 108:102 го совладаа Денвер нагетс и ја забележаа седмата победа по ред во НБА лигата и со тоа ја фрлија во сенка одличната игра на Никола Јокиќ.

Јокиќ натпреварот го заврши со 23 поени, 16 скокови и 11 асистенции и дојде до 71.  трипл-дабл во кариерата, но се покажа како недоволно за победа на неговиот тим.
Бостон до победата го предводеа Џејсон Тејтум со 24 поени и Маркус Смарт кој даде 22 поени меѓу кои беа и двете слободни фрлања во финишот со кој беше заверен триумфот.

Трип-дабл оствари и Дежонте Мареј кој пат на крајот се радуваше на победата на неговиот Сан Антонио од 136:121 над Аталнта. Мареј натпреварот го заврши со 32 поени, 15 асистенции и 10 скокови.

Филаделфија сиксерс без многу мака со 100:87 славеше над Оклахома сити тандерс иако не настапи засилувањето Џејмс Харден кој наптреварот го проследи од клупата. Џоел Ембид со 25 поени и 19 скокови беше прво име кај Филаделфија за која се истакнаа и Тајрис Макси со 24 и Тобајас Херис со 17 поени.

Чикаго благодарение на фуриозниот напад во последната четвртина (42 поени) стигна до триумф над Минесота од 134:122. Демар Дерозан повторно одигра одлично и беше најдобар стрелец на натпреварот со 34 поени.

Резултати:
Детроит – Шарлот 119:141
Индијана – Кливленд 113:120
Филаделфија – Оклахома 100:87
Атланта – Сан Антонио 121:136
Бостон – Денвер 108:102
Чикаго – Минесота 134:122
Јута – Орландо 114-99