Денеска во 22 коло од најсилното германско првенство Ајнтрахт Франкфурт на домашен терен изненадувачки го совлада актуелниот шампион Баерн Минхен со 2:1.

Камада во 12 и Јунес во 31 минута беа стрелци на головите за домашната екипа, додека баварскиот гигант успеа само да го ублажи поразот преку Левандовски (53`).

Останува на врвот на табелата Баерн со 49 бодови, пет повеќе од второпласираниот Лајпциг кој својот меч ќе го има утре на гостувањето кај Херта Берлин.

Ајнтрахт ја продолжува победничката серија, ова беше петти триумф во низа, а вкупно 11 натпревари во Бундеслигата не знае за пораз. Моментно се наоѓа на четвртата позиција со 42 бодови, колку што има и третопласираниот Волфсбург.

Во другите мечеви од бундеслигашката рунда: Борусија Менхенгладбах-Мајнц 1:2, Келн-Штутгарт 0:1 и Фрајбург-Унион Берлин 0:1.