ВИДЕО: Никогаш вака не ми се дотерале соработничките, вели Вучиќ по средбата со актерот Џони Деп
„Никогаш моите соработнички вака не се дотерале, јас мислев дека е поради мене, кога тоа…“ – вака српскиот претседател ја опиша атмосферата на денешната средба со прославениот холивудски актер Џони Деп, кој е во посета на Србија.
Вучиќ на Инстаграм се пофали и дека на подарок од Деп добил фигура на птица облечена како пират – асоцијација на неговата улога како Џек Спероу во хитот „Пиратите од Карибите“.
Џони Деп е дојден во Србија за да промовира анимиран филм направен во српска копродукција, со финансиска поддршка од Владата на Србија и Министерството за култура.
Како што соопшти кабинетот на Вучиќ, за почитта што ја покажува кон Србија, како и за бројните проекти во кои се вработени голем број млади луѓе во Србија, претседаетлот ќе го одликува Џони Деп на свечена церемонија на Денот на државноста на Република Србија.