ВИДЕО: Невообичаено невреме во САД крена облак од заслепувачка прашина, пет лица загинаа

Олуја во САД/ Фото: Јутјуб

Најмалку пет лица загинаа во силниот и исклучително необичен бурен ветер што го погоди средниот запад на Соединетите држави во услови на неочекувано високи температури за овој период од годината.

Невремето ги погоди државите Небраска, Ајова и Минесота.

Во југоисточна Минесота, шерифот на округот Олмстед, Ли Росман, објави дека 65-годишен маж починал во средата навечер кога врз него паднало дрво на 12 метри пред неговата куќа, јавува АП.

Во југозападниот дел на Канзас, невремето вчера подигна облак од заслепувачка прашина што доведе до две одделни сообраќајни несреќи во кои загинаа три лица, додека во источниот дел на Ајова во средата вечерта силен налет на ветер преврте камион со приколка и го уби возачот.

Повеќе од 400.000 домови и компании останаа без струја во Мичиген, Висконсин, Ајова и Канзас.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот